Diskominfo - Perkawis ngengingi sampah ing Indonesia mboten badhe wonten telasipun. Ananging benten kaliyan dhusun Panggungharjo, Kecamatan Sewon, Kabupaten Bantul, Daerah Istimewa Yogyakarta menika. Wonten dinten Senin, 01 Juli 2019 kalawingi nembe kemawon ngawontenaken Launching Milah Sampah, Nabung Emas. Acara kasebut minangka wujud kerjasama antawis pegadaian Semarang lan pamrentah dhusun Panggungharjo, ingkang dipundhatengi dening H. Abdul Halim Muslih minangka wakil Bupati Bantul, Alissa Wahid minangka Sekretaris LKKNU tuntunan, Mulyono, SE, MM. minangka Pimpinan Wilayah Pegadaian Semarang, Musholih SE, MM., Deputi Bisnis Wilayah Yogyakarta, camat, Kapolsek, Lurah dhusun lan jajaran perangkat dhusun, Eko Pangabudi minangka Direktur Pemdes ugi pengurus pemdes, saha perwakilan sanesipun.
Alissa Wahid, minangka Sekretaris LKKNU ngaturaken upaya pengembangan ekonomi kerakyatan ingkang sejatosipun saged dados pamratan ing masyarkat amargi sawetawis perkawis kulawargi tuladhanipun pisah punika dipunsebabaken perkawis ekonomi.
Sakupami sedaya warga NU mangertos kadospundi upakara ngelola perekonomian, tamtu perkawis sawerni punika saged paling dipunmrantasi, saha NU saged maringi kemaslahatan kangge masyarakat ugi lingkungan sekitar, pangajab Alissa.
Putri Gus Dur menika ngendikaka bilih upaya mbentuk kemaslahatan kulawarga ingkang dipunkajengaken ing kemaslahatan lingkungan, LKKNU ngampanyekaken ing saben kulawarga saking bapak ingkang shaleh, ibu ingkang shalehah, putra ingkang abrar, lingkungan ingkang sae, ugi rezeki ingkang halal lan cekap.
Upaya ngrembakakaken ekonomi dipuntumindakaken knthi nambah income, saha ngelola income ingkang sampun wonten. Panepangan emas dados instrumen investasi kados ingkang dipunwontenaken PT. Pegadaian arupi pengelolaan income ingkang pas, pungkasipun.
Ewondene H. Abdul Halim Muslih minangka wakil Bupati Bantul ngaturaken menawi saben dinten Kabupaten Bantul produksi sampah sakathah 600 ton ingkang dipunetang ngginakaken sampling utawi uji petik. Sapratiganipun dipunpundhut ugi dipunbucal ing TPST (Tempat Pengolahan Sampah Terpadu) Piyungan, tirahipun saged dipunpanggihaken ing lepen, ing selokan, ing inggir margi, ugi sanesipun.
Panjenenganipun ngaturaken menawi upaya pamrentah mepaki pirantos, prasarana, ugi infrastruktur persampahan, ambangun TPSS, ngasta tong-tong sampah klebet ing panggen pariwisata dipunaos boten patos signifikan amargi kita sedaya piyambak dereng emut budaya resik lingkungan.
Kula nate dipunutus keluyuran ing Sidney ugi Singapura, kula gatosaken marginipun, sagerombolan pramudha ing margi, kanthi ngunjuk inuman ing kaleng, sasampunipun telas punika piyambakipun kalengipun dipunasta ngantos manggih tong sampah. Menawi ing mriki ta mboten, dipunbucal sakeca kemawon, menika ba budaya, dadosipun ambangun kabudayan resik sampah, grapyak lingkungan menika kedah kita sedaya tumindakaken. Aturipun.
Panjenenganipun ngandharaken menawi perkawis sampah sasampunipun infrastruktur kedah dipunbangun, satunggaling budaya resik sampah punika budaya milah. Kula piyambak dereng dangu, nembe 2 wulan menika kula ngevaluasi kulawarga piyambak, kula kagungan tong pamilah sampah ing latar. Ananging ing praktik padintenan, sampah-sampah ingkang dipunproduksi dening satunggal somah taksih kemawon kacampur. Pungkasanipun kula ngasta pemilahan sampah punika ing dapur. Amargi menawi kita sedaya pundhut punapa kemawon saking peken, saking supermarket, saking toko punika sumber sampahnya saking dapur. Kula paringi 3 tong sampah, antawisipun organik, klebet tirah-tirah dhahar, dluwang, ugi plastik. Salajengipun kula evaluasi, 2 wulan menika kula kedadosan milah sampah badhe sampurna. Aturipun.
- Abdul Halim Muslih rumaos mongkog, pegadaian sesarengan Pemdes Panggunglestari sampun miwiti, Insyaallah badhe dipundadosaken rutin pengelolaan sampah terpadu ing Kabupaten Bantul saha saged nularaken datheng dhusun-dhusun ingkang sanes.
