Kangge nuju pamarintah dhaerah ingkang langkung majeng Bantul siyap tumuju percepatan implementasi Reformasi Birokrasi. Kamangka dipunwontenaken seminar strategi percepatan implementasi birokrasi wonten Ruang Mandala Saba Madya lante 3 Komplek Parasamya Bantul, Rebo (14/8).
Miturut laporan sekretaris dhaerah kabupaten Bantul Drs. Helmi Jamharis, MM minangka Ketua Panitia Panyelenggara nglaporaken menawi ing acara kasebut dipunaturi kathahipun 124 pasarta antawisipun 37 OPD induk, 40 OPD lan 17 camat sa kabupaten Bantul.
Kanthi dipunwontenaken acara seminar punika, Miturut Sekda, out come ingkang dipunkajenganken ginayuhtarget birokrasi antawisipun: 1. birokrasi ingkang resik lan akuntable, 2. birokrasi ingkang efektif lan efisien lan 3. birokrasi ingkang kagungan pelayanan publik ingkang kualitasipun sae.
Sawentawis sambutan bupati Bantul ingkang dipunaturaken dening wakil bupati H. Abdul Halim Muslih ing antawisipun ngaturaken panitia bilih ngaturi nara sumber Sekretaris Deputi Bidang Reformasi Birokrasi, Akuntabilitas Aparatur dan Pengawasan ing Kementrian PAN RB Indonesia ingkang dipunaturaken makalah kanthi irah-irahan 'Strategi Penguatan Reformasi Birokrasi Kabupaten Bantul D I Yogyakarta'.
"Kula ngajeng-ajeng seminar dinten punika saged paring suplemen enggal dhateng kula panjenengan nyambut dhamel kridhaning ambangun pola pikir ingkang sami, amargi reformasi birokrasi ngantos wanci punika dereng patos mbingahaken," atur Wabub Abdul Halim Muslih.
Miturut piyambakipun Presidhen Jokowi sampun kaping pinten-pinten ngaturaken bab wigatosipun percepatan daya saing bangsa, amargi wold economi forum (wef) ing sesi global competity warsa 2018 nyatakaken menawi daya saing indonesia wonten ing urutan 25 saking 140 nagari ingkang dipunteliti, dene Rusia ing urutan 45, Thailand urutan 38. Langkung ngagetaken nagari tangga paling caket Singapura ing urutan 2 wonten ngandhap USA ingkang tansah nglenggahi urutan 1.
"Para ASN inggih punika agen reformasi ingkang makili agen reformasi bangsa ingkang komulatif daya saing bangsa," aturipun.
Salebeting reformasi birokrasi wonten kalih komponen inggih punika komponen pengungkit, Bantul ing level 60 % ingkang madeg saking unsur pranatan manajeman SDM lan pranatan pengawasan. Dene komponen kasil (40%). Eselon kalih ingkang tanggel jawab kangge nindakaken ebahing ing 8 area pengungkit.
Ing kalodhangan kasebut katindakaken ptapak asma naskah kagiyatan komitmen reformasi birokrasi antawis Ka. Dinas Perbukuan dan Kearsipan Kab. Bantul lan Ka Dinas Pelayanan Terpadu lan Seksi Wakil Bupati Bantul, Sekda Bantul lan saking Kemen. PAN RB.
Nara sumber Didit Noordiatmoko, Ak. MM. saking Kemen. PAN RB salebeting paparanipun ngendika menawi reformasi birokrasi wonten pemkab. Bantul estu dereng maksimal. "Ingkang kula panjengan tindakaken inggih punika upayanipun kangge nindakaken reformasi birokrasi kasebut ingkang ngarah ing tata kelola pamarintahan wonten sedaya sektor," gamblangipun Didit.
Tata kelola kasebut nyakup tigang bab wonten antawisipun, pamarintah ingkang saya resik saking korupsi, birokrasi ingkang efektif lan efisien lan birokrasi ingkang tansaya ningkat pelayananipun, lan dhateng 8 ewah-ewahan kedah dipunlampahaken wonten ing sedaya opd.
Didit mratelakaken bilih wonten pemda Bantul badhe nerapaken ing 10 OPD dados tuladha, utaminipun ingkang badhe katindakaken ewah-ewahan paradigma ing bidang keuangan ingkang ngasilaken padamelan, kanthi efektif, efisien lan ekonomis. Ing bidang pengawasan, pangarsa OPD kedah mangertos bab kesagahan lan kondisi ngandhapipun langsung, kedah mangertos leres kondisi ngandhapipun ngantos stafipun, malah utangipun pinten, gajinipun taksih pinten." Amargi bawahan ingkang ngasta arta kantor bilih kondisi yatranipun minus, mila saged murugaken ing tumindak ingkang kirang sae utawi kirang saged dipunpertanggeljawabaken," pungkasanipun.
