Diskominfo - Gina ngoptimalaken prioritas kagiyatan saha angggaran perencanaan taun 2020, Bupati Bantul Drs. H. Suharsono paring arahan dhateng Pangarsa Organisasi Perangkat Daerah (OPD), Camat sak-Kabupaten Bantul, Sekretaris saha Pangarsa Bidang OPD ing Meeting Room Mandala Saba Paramasya Bantul. Kemis (9/5).
Miwiti arahanipun, Bupati Bantul ngonjukaken raos syukur, maturnuwun saha paring apresiasi dhateng sedaya Pangarsa Perangat Daerah saha jajaranipun saking kinerjanipun ing Triwulan I taun 2019 menika ingkang sampun kalaksanan saengga Bantul nglenggahi peringkat II saDIY. "Kula ngarepaken kasil kinerja kula panjenengan sedaya, saged ajeg utawi dipuntingkataken," ngandikanipun.
Salajengipun ing pangandikanipun piyambakipun ngendika, rencana RKPD taun 2020 aripi andharan penjabaran RPJMD 2016-2021 taun kaping sekawan, Bupati ngarepaken perencanaan 2020 saestu saged ngrampungaken maneka perkawis ingkang wonten antawisipun tuwahan ekonomi, kemiskinan, ugi ketimpangan. Pramila mekaten sasaran daerah ingkang sampun dipuntetapaken saged kagayuh ing akhir periode RPJMD.
Menggah pangandikan bab Kebijakan Perencanaan taun 2020, kagiyatan langkung dipunfokusaken dhateng :
- Kagiyatan ingkang langkung nyerak dhateng masyarakat. Dados tuladha ing bidang kasarasan saha dipungatosaken kanthi serius saking Pemda dhateng masyarakat kaliyan kawicaksanan Puskesmas Gratis, ugi pemenuhan operasional pamucalan, mekaten ugi sektor sanesipun kedah katujukaken ing kagiyatan ingkang langkuh nyentuh masyarakat.
- Nuwahaken perekonomian, antawisipun lumantar pamungon infrastruktur strategis, kadosta : pamiyaran & indhak-indhakan margi Cinomati, pamungon taman ugi ruang ijo, pengelolaan Stadion Olah Raga / Gelanggang Olah Raga, ugi sanesipun.
- Ngirangi katimpangan, ketimpangan pendapatanutawi ketimpangan wilayah, tuladhanipun Ketimpangan pendapatan, langkung ngentasaken kemiskinan ugi ngirangi pengangguransaha Ketimpangan wilayah, pengembangan kawasan minangka nampi peluang kewontenan bandara YIA.
- Peran / Rehabilitasi dampak bencana ing saperangan wilayah.
"Kedah kula aturaken ugi ing taun 2020, Kabupaten Bantul nglampahi Pilkada lan Pilurdes, dados alokasi anggaran ugi kathah kangge panyelenggara kagiyatan kasebut. Ngemut winatesing arta daerah mila kaliyan metang kebijakan majeng fokus kagiyatan priotitas lan strategis kadosta ingkang kasebut ing inggil, kula ngaturaken bilih sedaya Perangkat Daerah kersanipun saged enggal nyelarasaken ugi menindaklanjuti," ngendika Bupati.
Pungkasaning atur, Bupati ngajak dhateng sedaya Perangkat Daerah kersanipun enggal tumindak cermat kagiyatan ingkang sampun dipunrencanakaken ing taun 2020, supados alokasi anggaran saestu efektif kaliyan prioritas saha kagiyatan ingkang strategis.
Bibar arahan saking Bupati Bantul Suharsono, dipunlajengaken kanthi sesi pemaparan utawi presentasi lan sesi pandangon kagiyatan ugi anggaran perencanaan saben OPD ingkang dipuncaosaken dening Pangarsa Badan Perencanaan pamungon Daerah, Isa Budi Hartomo, M.T.
