Bupati Bantul Drs. H. Suharsono nyambut tim penilaian fasilitas kasarasan tingkat pertama (FKTP) berprestasi tingkat nasional warsa 2019 mapan wonten ing Puskesmas Jetis II, Senen (16/09).
Bupati Bantul salebeting sambutanipun ngendika menawi Puskesmas kasebut ngutamikaken pelayanan dhateng masyarakat. "Cocog kaliyan visi Pemkab. Bantul sampun katindakaken mapinten-pinten upaya salebeting bidang kesarasan. Kupiya kasebut antawisipun inggih punika miyaraken akses saha peningkatan mutu pelayanan dhateng masyarakat. Bab kasebut dipunbuktikaken kanthi kawontenan Puskesmas wonten saben kecamatan saha kajangkepan sarana lan prasarana puskesmas ingkang teras dipuntingkataken." aturipun. Bupati nambahaken Puskesmas dados penyedia layanan inggih punika garda ngajeng salebeting upaya kesarasan ngiras tolok ukur pelayanan publik. Cocog peraturan menteri kesehatan No. 75 Warsa 2014 menawi sedaya Puskesmas wonten kabupaten Bantul sampun terakreditasi wiwiting warsa 2018.
Sawentawis Camat Jetis, Saryadi, SIP. M.SI., ngaturaken, menawi kangge mujudaken masyarakat ingkang saras mboten cekap dipunlampahi dening lembaga kesarasan nanging mbetahaken kerjasama lan sinergi saking mapinten-pinten lintas sektor. "Puskesmas Jetis II nindakaken sinergi lintas sektor sampun dipunwiwiti wiwiting perencanaan, mboten namung lebet lampahan kagiyatanipun. Kagiyatan survey mawas dhiri kangge instopreksi lan identifikasi perkawis wonten bidang kesarasan sampun mlampah sae, dipunsengkuyung kaliyan kasil pendataan saking PIS PK." aturipun.
Ketua tim yuri F. J. Suko Widodo, M.P.R.I salebeting sambutanipun ngendika menawi tim FKTP sampun memverifikasi wonten Gorontalo, salajengipun Yogyakarta (Puskesmas Jetis II), lan Kalimantan. Kaping tiga Puskesmas kasebut inggih punika 3 nominasi paling sae. "Warsa kalawingi Puskesmas Jetis II pikantuk status paripurna. Ing warsa punika tim verifikator ugi mesthekaken menawi pelayanan kesarasan wonten Jetis cocog kaliyan standar ingkang sae." aturipun.
Puskesmas Jetis II inggih punika puskesmas ingkang gadhah kathah kegiatan inovasi lan nggayuh kathah prestasi, antawisipun inggih punika, program inovasi "redakssi" (Relaksasi dengan Dzikir lan Relaksasi Atasi Hipertensi)
Tebar Kasebar (Terapaken Bareng Kawasan Sehat Bebas Asap Rokok)
Kuda Jingkrak (Kunjungi dampingi orang dengan gangguan jiwa lintas sekotor dan masyarakat)
