Tim Kementerian Sosial Republik Indonesia angrawuhi Kecamatan Pajangan gayut penilaian Tenaga Kesejahteraan Sosial Kecamatan (TKSK) tingkat Nasional, Rebo (25/9).
Rawuh ing salebeting acara kasebut wakil bupati Bantul H. Abdul Halim Muslih, pangarsa Dinas Sosial P3A Kab. Bantul, pangarsa Bappeda Bantul, pangarsa Kesra Kab. Bantul, pangarsa Dinas Kominfo Bantul, pangarsa Disdikpora Bantul, jajaran Forkopimcam Pajangan, Kapolsek, Danramil Pajangan, saha hadirin sanesipun.
Wakil Bupati Bantul salebeting sambutanipun ngendika menawi target RPJM warsa 2021 ngicalaken kamiskinan wonten Kabupaten Bantul dipunpetekaken dados 8,5%. pilar-pilar sosial teras dipunlampahi lan dikoordinasikan mila langkah-langkah nglampahi penanggulangan sosial saged fokus lan dugi target ingkang dipunajeng-ajeng.
"DIY kalebet Kab. Bantul dados pilar kabudayan, kanthi kekiyatan sengkuyung gotong-royong, sengkuyung golong gilig, greget nyawiji inggih punika sumber daya sosial. Pendekatan kabudayan dhateng saged dados andelan wonten Kab. Bantul kangge ngrembyak lan nanggulangi perkawis sosial. Ingkang damel mongkog menawi dhusun-dhusun lan desa-desa saged nanggulangi problem sosial kanthi sistem sosial lan kabudayan ingkang wonten ing lebetipun. " aturipun.
Nalika tim penilai Dra. Deden Yulia, MSi., salebeting sambutanipun ngendika menawi Kec. Pajangan inggih punika papan kaping tiga saking 15 ageng TKSK prestasi sasampunipun Temanggung lan Sumatera Kidul dipunlajengaken papan kaping sekawan wonten Sumbawa. Fokus konfirmasi punapa ingkang sampun dipunwedharaken dening TKSK kapilih Nur Cholis, S. Sos Agustus kalawingi wonten Jakarta kanthi panyeratan ingkang sakeca dipunwaos.
"Punika profil ingkang luar biasa wonten warsa 2019, lan menawi badhe teras dipunkembangaken punika saged dipundadosi kanthi model panyeratan ingkang runtut sanget, basa ingkang prasaja, lan informatif. Kula purun menawi kabudayan dados kekiyatan ingkang kedah dipunjagi." aturipun.
